13-avgustning e’tiborga molik yangiliklari — “Daryo” dayjestida.

O‘zbekistondagi tijorat banklari chet el valyutalarini sotish va sotib olish qiymatini yana keskin ko‘tardi.

13-avgustdan boshlab bir qator banklar dollarni 8940 so‘mdan, yevroni 9600 so‘mdan sotib olmoqda. Dollarni sotish kursi esa 9000 so‘mni, yevroniki 10 560 so‘mni tashkil etmoqda.

***

Qirg‘iziston sobiq prezidenti Almazbek Atambayev davlat to‘ntarishini uyushtirishni rejalashtirgan. Bu haqda mamlakat milliy xavfsizlik qo‘mitasi raisi O‘rozbek Opumbayev ma’lum qildi.

“Unga davlat to‘ntarishi uyushtirish uchun qon to‘kilishi kerak edi. Bu uning rejasi bo‘lgan”, — dedi Opumbayev.

***

Yakkakurash sport turining aralash turi bo‘yicha jahon chempioni Murod Xonto‘rayevni pichoqlagan shaxslarga nisbatan jinoyat ishini ko‘rib chiqish bo‘yicha sud jarayoni nihoyasiga yetdi va sud hukmi e’lon qilindi.

Jinoyat ishlari bo‘yicha Shayxontohur tumani sudi S. Akbarovga 6 yil 3 oy muddatga ozodlikdan mahrum qilish jazosi, I. Abdulahatovga 6 yil 3 oy muddatga ozodlikdan mahrum qilish jazosi, S. Fatxullayevga 6 yil muddatga ozodlikdan mahrum qilish jazosi, O. Sodiqovga 6 yil muddatga ozodlikdan mahrum qilish jazosi, T. Azizovga 6 yil 3 oy muddatga ozodlikdan mahrum qilish jazosi, J. Saynazarovga 3 yil ozodlikdan mahrum qilish jazosi va S. Vadenovga 6 yil 3 oy ozodlikdan mahrum qilish jazosi tayinladi.

***

Shavkat Mirziyoyev hokimlarga paxta terimiga budjet tashkilotlari xodimlari olib chiqilmasligini eslatdi.

“Bu yil paxta terimiga maktab, institut — umuman, birorta budjet tashkilotlari olib chiqilmaydi, eslaringdan chiqmasin”, — deya ta’kidlagan Shavkat Mirziyoyev.

***

O‘zbekistonliklar orasida qaysi ijtimoiy tarmoqlar eng mashhurligi ma’lum bo‘ldi.

O‘zbekistonliklar ijtimoiy tarmoqlar ichida eng mashhuri deb Telegram va YouTube’ni ko‘rsatgan. Instagram, Facebook, VKontakte, Odnoklassniki, Linkedln, Twitter, Snapchat esa nisbatan kamroq foydalaniladi.

***

10-avgust kuni Muborak investitsiya blokida yangi neft va gaz kondensati koni ochildi.

Yangi kon “Bahoriston” nomi bilan ataldi.

Hozirda neft qudug‘uni 3000 metrgacha qazish davom ettirilmoqda. Shuningdek, kompaniya gazni Muborak gazni qayta ishlash zavodiga yetkazish uchun 9,7 kilometr uzunlikdagi yangi gaz quvuri qurishni boshlab yuborgan.