Olmaliqda 51 yoshli fuqaroning yonidan 7 kilogrammdan ortiq marixuana chiqdi

Olmaliq shahrida yashovchi fuqaro 7 kilogrammdan ortiq marixuana bilan qo‘lga olindi, deb yozadi IIV Jamoatchilik va OAV bilan aloqalar boshqarmasi.

Toshkent viloyatining Piskent tumanida o‘tkazilayotgan “Qoradori—2019” keng qamrovli tadbiri davomida 8-avgust kuni Olmaliq shahrida yashovchi 51 yoshli A.K. “Namuna” mahallasi hududidan o‘tuvchi “Toshkent—Olmaliq” yo‘lining chetida 7 kilogramm 420 gramm marixuana giyohvandlik moddasini qo‘lidagi qop ichida olib ketayotgan vaqtida ashyoviy dalillar bilan qo‘lga olindi.

Holat yuzasidan jinoyat ishi qo‘zg‘atilib, tergov harakatlari olib borilmoqda.