“Termiz—Dushanbe—Qoshg‘ar” yo‘nalishida ilk avtokarvon yo‘lga chiqdi

10-avgust kuni Termiz shahridan “O‘zbekiston—Tojikiston—Xitoy” yo‘nalishida yangi transport koridori bo‘yicha tajriba-sinov avtokarvoni yo‘lga chiqdi. Bu haqda Surxondaryo viloyat hokimligi matbuot xizmati ma’lum qildi.

Xabar berilishicha, “Termiz—Dushanbe—Qoshg‘ar” yo‘nalishi bo‘yicha tashkil etilayotgan ushbu avtokarvon O‘zbekiston va Tojikistondan Xitoyga yuklarni to‘g‘ridan to‘g‘ri yetkazib beradi.

Mazkur avtokarvonda har uchala davlatdan ikkitadan katta hajmli yuk avtomobillari ishtirok etmoqda. 10-avgust kuni  “Termiz Cargo Centr” logistika terminalidan yuk ortilgan jami 6 ta avtomobil “Termiz–Dushanbe, Vahdat, Ko‘lob, Qal’ayi Xumb, Xorug‘, Kulma (Tojikiston respublikasi) – Qoshg‘ar (Xitoy Xalq Respublikasi) yo‘nalishida harakatlanib umumiy hisobda 1422 km masofani bosib o‘tdi.