O‘zbekiston Turkiyadan 24 ta zirhli mashinani qabul qilib oldi (foto)

O‘zbekiston qurolli kuchlari Turkiyadan 24 ta Ejder Yalçın 4x4 zirhli mashinani qabul qilib oldi.

2017-yilda Turkiyaning zirhli texnika ishlab chiqaruvchi Nurol Makina kompaniyasi va O‘zbekistonning UzAuto korxonasi anglashuv memorandumini imzolagandi.

Memorandum O‘zbekiston hududida 1000 dona Ejder Yalçın 4x4 taktik zirhli mashinasi ishlab chiqarilishini nazarda tutadi. Hujjatda O‘zbekistonga ushbu rusumdagi 24 ta texnikani yetkazib berish, kelgusida ularni o‘zbek korxonalarida ham ishlab chiqarish va uchinchi davlatga sotishga ruxsat berish belgilab berilgan.