Sirdaryo viloyat prokurori Xovos tumanida joylashgan 8-sonli tergov hibsxonasi faoliyati bilan tanishib chiqdi. Bu haqda viloyat prokuraturasi jamoatchilik bilan aloqalar va huquqiy axborot guruhi “Daryo”ga ma’lum qildi.
Xabarda aytilishicha, Sirdaryo viloyat prokurori, adliya katta maslahatchisi Ravshan Masharipov Xovos tumanida joylashgan 8-sonli tergov hibsxonasida saqlanayotgan mahbuslar bilan suhbat o‘tkazgan. Muloqot jarayonida hibsxonada saqlanayotgan, muqaddam 2 va 3 marotaba sudlangan mahbuslar ularga nisbatan oxirgi 2,5 yilda ruhiy va jismoniy tazyiqlar o‘tkazilmaganini ta’kidlagan.
Shuningdek, viloyat prokurori hibsxonada jinoiy-jazolarni ijro etilishi ahvoli hamda mahkum va mahbuslar uchun yaratilgan shart-sharoitlar bilan tanishib chiqqan.
Avvalroq, O‘zbekistonda fuqarolar orasida, qolaversa, xalqaro tashkilotlar orasida salbiy nom qozongan 19-son ixtisoslashtirilgan jazoni ijro etish koloniyasini tugatish to‘g‘risida (“Jasliq” qo‘rg‘onida joylashgan) O‘zbekiston Prezidenti Shavkat Mirziyoyev qarorni imzolagandi.
Izoh (0)