Bolgariyaning Sofiya shahrida bo‘lib o‘tayotgan sport kurashlari bo‘yicha o‘smirlar o‘rtasidagi Jahon chempionatida o‘zbekistonlik Umid Jalolov oltin medalga ega chiqdi. Bu haqda MOQ xabar berdi.
-55 kilogramm vazn toifasida O‘zbekiston sharafini himoya qilgan Umid Jalolov finalda eronlik raqibini 3:1 hisobida mag‘lub etib, musobaqaning oltin medaliga sazovor bo‘ldi.
Ma’lumot uchun, Jalolov Argentina mezbonlik qilgan o‘smirlar Olimpiadasida ham g‘olib bo‘lgandi.
-48 kilogramm vaznda bahsga kirishgan Kamron Qadamov finalda Eron termasining boshqa bir vakili bilan 4:4 hisobida durang natija qayd etdi. So‘nggi ochkoni Rahmon Amuzadhalili qo‘lga kiritgani uchun qoidaga muvofiq oltin medal eronlik sportchiga nasib etdi.
-65 kilogramm vazn toifasida kurashgan Qudrat Nurillayev esa bronza medali uchun kechgan bahsda hindistonlik kurashchiga imkoniyatni boy berib qo‘ydi.
Erkin kurash
O‘smirlar o‘rtasida jahon chempionati
Final bahslari:
-48 kg: Rahmon Amuzadhalili (Eron)—Kamron Qadamov 4:4
-55 kg: Umid Jalolov—Mahdi Vaysi (Eron) 3:1
Bronza medali uchun kechgan bahs:
-65 kg: Manish Gosvami (Hindiston)—Qudrat Nurullayev 5:2
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)