Bugun,

  • USD 11095.31
  • RUB 173.84
  • EUR 10772.44

2019-yilning oktabr oyida O‘zbekiston hududida Jeykob Shvars jamoasi (8K formatidagi ilk filmni olgan jamoa) tomonidan XI-XII asrlardagi Markaziy Osiyo xalqlari tarixi haqidagi serialning ilk epizodi tasvirga olinadi. Epizod tasvirga olinuvchi joylar bo‘yicha kelishuvga erishilgan. Bu haqda Turizmni rivojlantirish davlat qo‘mitasi xabar bermoqda.

Foto: Turizm qo‘mitasi

Foto: Turizm qo‘mitasi

Film uchun aktyorlar tarkibi xorijdan jalb etiladi, zero bu birinchi pilot loyiha bo‘lgani uchun to‘liq ingliz tilida ishlanadi, keyingi seriallarga o‘zbek aktyorlari ham jalb etiladi. Serialning tarixga muvofiq kelishiga O‘zbekiston Respublikasi Turizmni rivojlantirish davlat qo‘mitasi raisi maslahatchisi  Behruz Hamzayev mas’ul, Shvars jamoasi esa prodakshn va post-prodakshn ishlari uchun javob beradi. Bu film Netflix yoki Amazon orqali targ‘ib qilinadi.

Ushbu serial loyihasini yo‘lga qo‘yishga nima turtki berdi? Shu kungacha “Taxtlar o‘yini” seriali juda ko‘p odamlar tomonidan sevib tomosha qilindi. Undagi ko‘plab elementlar aynan Markaziy Osiyo xalqlari tarixidan kelib chiqqan. Shundan kelib chiqqan holda, O‘zbekiston hududida tarixiy serialni suratga olishga ahd qilindi.

“5-10 yil oldin Hollivudda yunon mifologiyasiga oid filmlar urf bo‘lgan edi. Keyinchalik bu Misr va Skandinaviya mifologiyalari bilan almashdi. Bugunga kelib esa paradigma Markaziy Osiyo xalqlari va Sharq afsonalariga yaqinlashmoqda. Ushbu serialni Hollivud katta ekranlariga olib chiqishga harakat qilamiz, zero ayni damda kinematografiya eng rivojlangan davlat AQSh hisoblanadi”, — deydi Hamzayev.

Turizmni rivojlantirish davlat qo‘mitasi ushbu loyihaning to‘laqonli hamkori sifatida ishtirok etmoqda. Bundan maqsad kinematografiya turizm targ‘ibotida muhim rollardan birini o‘ynaydi. “Misol uchun, “Taxtlar o‘yini”da voqealar rivoji asosan Dubrovnik shahrida tasvirga olingan va bugunga kelib u to‘rtinchi yil ketma-ket Yevropaning eng zo‘r sayyohlik maskani hisoblanadi. “Xuddi shu tariqa biz ham shaharlarimiz targ‘ibotini yo‘lga qo‘yamiz. Serialni ko‘rgandan keyin odamlarda bu voqealar qayerda olingan ekanligiga oid savollar va qiziqish paydo bo‘ladi. Bu turistlar bilan birga boshqa kinoijodkorlarni ham O‘zbekistonga jalb qilib, turizmning bunday turini rivojlantirishga zamin yaratadi”, — deya izohlaydi Qo‘mita raisi maslahatchisi.

Ma’lum bo‘lishicha, tarixiy serial saundtreki taniqli o'zbek bastakori va ko‘plab xitlar muallifi Shahnoz tomonidan bastalanmoqda.

Izoh
Asosiy yangiliklar
Iqtisodiyot
O‘zbekiston 2022-yilda kartoshka sotib olishni kamaytirdi. Mahalliy yetishtirish esa oshgan 
Dunyo
Bayden Ukrainaga F-16 qiruvchilari yetkazib berilmasligini aytdi. Oq uy bunga izoh berdi
Kino
Mushuk Leopold obrazini yaratgan rassom Vyacheslav Nazaruk vafot etdi