Germaniya federal prezidenti Frank-Valter Shtaynmayer Urganch davlat universiteti rektori Bahrom Abdullayev nomiga tashakkurnoma yo‘lladi.
Shtaynmayer universitetda bo‘lib o‘tgan uchrashuv uchun minnatdorchilik bildirar ekan, “uchrashuv O‘zbekiston yoshlarining kelajakdagi istak va xohishlari hamda mamlakatingiz haqidagi tasavvurlarimni yanada kengaytirdi”, deydi.
Prezident o‘z tashakkurnomasida talabalar va litsey o‘quvchilari bilan ochiq va jonli ruhda o‘tgan samimiy muloqotni alohida mamnuniyat bilan ta’kidlar ekan, rektordan universitet akademik litseyi o‘quvchilariga ham tashakkurini yetkazishni so‘ragan.
Ma’lumot uchun, Germaniya prezidenti O‘zbekistonga rasmiy tashrifi doirasida shu yil 29-may kuni Urganch davlat universiteti professor-o‘qituvchilari va talabalari bilan uchrashgan edi.
Izoh (0)