Rossiya Davlat dumasi Gruziyaga nisbatan sanksiyalar joriy etishni taklif qildi

Rossiya Davlat dumasi mamlakat hukumatiga Gruziyaga nisbatan sanksiyalar joriy etishni taklif qildi. Bu haqda Meduza xabar bermoqda.

Dumaning tegishli bayonoti loyihasi parlament saytida joylashtirilgan, hujjat 9-iyul kuni ko‘rib chiqiladi.

Deputatlar Gruziyaga nisbatan boshqa davlatlarga sanksiya joriy etilishi masalasini tartibga soluvchi “Maxsus iqtisodiy va majburiy choralar to‘g‘risida”gi qonunni qo‘llashni taklif qildi.

Duma spikeri Vyacheslav Volodinning so‘zlariga ko‘ra, parlament 9-iyul kuni hukumatga Gruziyadan vino va ichimlik suvi keltirilishi, shuningdek, ushbu mamlakatga pul o‘tkazmalarini taqiqlashni taklif qiladi.