Bugungi kunda respublikada o‘simlik dunyosi obyektlari 11 ming turdan, hayvonot dunyosi — 15 600 turdan ortiqni tashkil etadi. Shulardan 324 tur o‘simlik va 184 tur hayvonot dunyosi obyektlari O‘zbekiston respublikasi Qizil kitobiga kiritilgan, bu haqda O‘zA xabar qiladi.
O‘simlik dunyosiga yetkazilgan zarar — 1571 ta da’vo bo‘yicha 2 milliard 243 million so‘mni tashkil etgan. Shundan 1232 ta ma’muriy ish yuzasidan 961,9 million so‘m undirib olingan.
Hozirda daraxtlarni xatlovdan o‘tkazish natijalarini elektron bazaga kiritib borish ishlari olib borilmoqda. Bugunga qadar 4 242 190 ming daraxt ro‘yxatga olingan.
Axborot va ommaviy kommunikatsiyalar agentligida mamlakatda yashil hududlarni kengaytirish, daraxtlarning noqonuniy kesilishi, qabul qilinayotgan chora-tadbirlarga bag‘ishlangan brifing bo‘lib o‘tmoqda. Mazkur tadbirda ayni shu kabi masalalar yuzasidan ma’lumotlar berildi.
Izoh (0)