4-iyul, payshanba kuni futbol bo‘yicha Kopa Amerikaning ikkinchi yarim final bahsida Peru terma jamoasi Chili termasiga qarshi maydonga tushdi.
Uchrashuv davomida Peru termasi a’zolari Edison Flores (21), Yosimar Yotun (38) hamda Paolo Gerrero (90) tomonidan kiritilgan gollar peruliklarning Chili ustidan yirik hisobdagi g‘alabasini ta’minladi (3:0).
Shu tariqa Peru termasi musobaqaning final yo‘llanmasini qo‘lga kiritdi.
Ma’lumot uchun, Peru terma jamoasi final bahsida musobaqa mezboni bo‘lgan Braziliya bilan 7-iyul kuni bellashadi. Chili esa 3-o‘rin uchun bahsda Argentina bilan o‘ynaydi.
Kopa Amerika—2019
1/2 final bahsi
Chili—Peru 0:3
Gollar: 0:1 — 21 Flores, 0:2 — 38 Yotun, 0:3 — 90 GerreroChili: Aryas, Isla, Medel, Maripan (Kastilyo, 89), Bosejur, Arangis, Pulgar, Vidal, Fuensalida (Sagal, 46), Vargas, Sanches.
Peru: Galyese, Advinkula, Sambrano, Abram, Trauko, Tapiya, Yotun, Karrilyo (Polo, 71), Kueva (Balyon, 80), Flores (Gonsales, 50), Gerrero.
Ogohlantirishlar: Advinkula (72), Pulgar (74), Sagal (86).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)