Bugun,

  • USD 11095.31
  • RUB 173.84
  • EUR 10772.44

Moliya vazirligi tomonidan “Soliq va bojxona imtiyozlari berilishini yanada tartibga solish chora-tadbirlari to‘g‘risida”gi prezident qarori loyihasi jamoatchilik muhokamasiga taqdim etildi, deb xabar berdi Spot.

Foto: Davlat soliq qo‘mitasi

Foto: Davlat soliq qo‘mitasi

Unga ko‘ra, joriy yilning 1-avgustidan boshlab ikki toifadagi tadbirkorlarni qo‘shilgan qiymat solig‘i (QQS) to‘lovchilar hisobiga kiritish rejalashtirilmoqda.

Birinchisi benzin, dizel yoqilg‘isi va gazni yoqilg‘i quyish stansiyalari orqali oxirgi iste’molchilariga sotadigan yuridik shaxslar.

Ikkinchisi tovarlarni import qiluvchi tadbirkorlik subyektlari. Ularning har ikkovi sotishdagi tushum miqdoridan qat’i nazar qo‘shilgan qiymat solig‘i to‘lovchilari deb hisoblash rejalashtirilmoqda.

Bunda, tovarlarni birinchi marta import qiluvchi tadbirkorlik subyektlari import shartnomasi tuzilgan oydan keyingi oyning 1 sanasidan boshlab qo‘shilgan qiymat solig‘i to‘lovchisi sifatida hisobda turishi shart.

Bundan tashqari, yagona yer solig‘i to‘lovchisi hisoblangan qishloq xo‘jaligi tovarlari ishlab chiqaruvchilari shu sanadan boshlab ixtiyoriy ravishda qo‘shilgan qiymat solig‘ini to‘lashga o‘tishi mumkin.

Shuningdek, kalendar yili davomida xizmatlarni realizatsiya qilishdan olgan tushumi 100 million so‘mdan oshgan, biroq bir milliard so‘mdan ko‘p bo‘lmagan telekommunikatsiyalar operatorlari va (yoki) provayderlariga vositachilik xizmatlarini ko‘rsatuvchi yakka tartibdagi tadbirkorlar 1-avgustdan boshlab xizmat haqi summasidan 25 foiz stavkada yagona soliq to‘lovini to‘lashga o‘tadi.

Izoh
Asosiy yangiliklar
Mahalliy
“Elektr ta’minotidagi uzilishlarga ko‘p duch keldim” — O‘zbekistonga ko‘chib o‘tgan IT-mutaxassis taassurotlari
Mahalliy
Shavkat Mirziyoyev Volodin boshchiligidagi Rossiya parlament delegatsiyasini qabul qildi (foto)
Dunyo
Saakashvilining organizmida margimush topildi — advokat