O‘zbekiston Oliy sudi “Ozodlik” radiosida tanqid qilingan ish qonun talablari asosida ko‘rilganini ma’lum qildi

2019-yil 26-mart kuni Ozodlik radiosi “Bugun.uz” Telegram kanalida “...Namangan shahar ma’muriy sudi raisi J.Husenov 27-dekabrda mahalliy tadbirkor Saydullo Ergashev foydasiga chiqargan hukmini oradan ikki oy o‘tib o‘zi qayta ko‘rib chiqqani va o‘zi bekor qilgani...” haqida so‘z yuritilgan. Bu haqda O‘zbekiston Respublikasi Oliy sudi Ma’muriy ishlar bo‘yicha sudlov hay’ati xabar bedi.

Xabarda haqiqatdan ham, sud amaliyotida bunday holatlar uchrab turishi ta’kidlangan.

Namangan shahar ma’muriy sudining 2018-yil  27-dekabrdagi qaroriga asosan huquqbuzar L.Tadjibayev Ma’muriy javobgarlik to‘g‘risidagi kodeksining 241-moddasida nazarda tutilgan huquqbuzarlikni sodir etgan deb topilib, unga nisbatan eng kam ish haqining 2 (ikki) baravari miqdorida, ya’ni 405 460 so‘m jarima jazosi tayinlangan hamda huquqbuzarlik natijasida yetkazilgan 25 000 000 so‘m moddiy zarar undirish belgilangan.

Sud qaroriga ko‘ra, L.Tadjibayev Namangan viloyati Investitsiyalar bosh boshqarmasi Namangan shahar bo‘limi bosh mutaxassisi lavozimida ishlab kelgani holda xususiy mulk huquqini, ya’ni tadbirkorlik subyektlarining faoliyatini tekshirish va moliya-xo‘jalik faoliyatini taftish qilish tartibini buzib, 2018-yil 11-noyabr kuni Namangan shahar  “Sardoba” bozori hududida shaharni obodonlashtirish va bozor hududidagi noqonuniy savdo rastalari va pavilyonlarida tozalov tadbirlari o‘tkazish davrida yakka tartibdagi tadbirkor S.Ergashevga tegishli bo‘lgan 25 000 000 so‘mlik polietilen (selofan) mahsulotlarini olib qo‘yib, Namangan shahar “Mustaqillikning besh yilligi” mahalla fuqarolar yig‘ini hududida joylashgan “Toza hudud” DUKga qarashli markaziy chiqindixonaga olib borib, yoqib yuborgan.

2019-yil 22-fevral kuni huquqbuzar L.Tadjibayev Namangan shahar ma’muriy sudining 2018-yil 27-dekabrdagi qarorini yangi ochilgan holatlar bo‘yicha qayta ko‘rish haqidagi ariza bilan murojaat qilgan.

Namangan shahar ma’muriy sudining 2019-yil 25-fevraldagi ajrimiga asosan yangi ochilgan holatlar bo‘yicha sud qarori bekor qilinib, Ma’muriy javobgarlik to‘g‘risdagi kodeksining 278-moddasiga asosan qo‘shimcha surishtiruv ishlarini amalga oshirish Namangan shahar prokuraturasiga yuborilgan. Hozirda ma’muriy huqubuzarlik to‘g‘risidagi ish hujjatlari qayta taqdim qilinmagan.