“Manchester Yunayted” Pogba ketsa, uning o‘rniga kimlarni olib kelishi ma’lum bo‘ldi

“Manchester Yunayted” “Barselona” yarim himoyachilari Filippe Koutinyo hamda Ivan Rakitichga jiddiy qiziqish bildirmoqda.

Mundo Deportivo’ning xabar berishicha, “qizil iblislar” Kataloniya klubi o‘yinchilariga Pol Pobganing o‘rinbosari sifatida ko‘rmoqda. Avvalroq fransiyalik futbolchi klubni tark etishni xohlayotgani haqida ma’lum qilgandi.

Eslatib o‘tamiz, Koutinyo 2018/19-yilgi mavsum La Ligada 34 ta o‘yinda maydonga tushib, 5 ta gol urdi hamda 2 ta golga assistentlik qildi.

Shuningdek, braziliyalik futbolchiga PSJ klubi ham qiziqish bildirmoqda.

Rakitich esa 2014-yildan buyon “Barselona” sharafini himoya qilib keladi. U o‘tgan mavsum Ispaniya chempionatida 34 ta uchrashuv o‘tkazib, 3 ta gol urdi va 5 ta golli pas berdi.