Checheniston rahbari Ramzan Qodirovning uchinchi o‘g‘li — 11 yoshli Adam mashhur “Tirilgan Erto‘g‘rul” nomli turk serialida suratga tushdi. Bu haqda bolaning tog‘asi — Shalin tumani rahbari Turpal-Ali Ibrazimov ma’lum qildi, deb yozadi Sputnik.
“Filmni tasvirga olish jarayonida o‘zining barcha qobiliyatini yaxshi tomondan ko‘rsatdi”, — deb yozdi Ibragimov Instagram’da.
Ushbu serial Chechenistonda juda mashhur bo‘lgan. Serial XIII asrda sodir bo‘lgan musulmon turk-o‘g‘uzlari tarixiy voqealari asosida tayyorlangan.
Serialda Erto‘g‘rul-bey, Usmon birinchining otasi – Usmoniylar imperiyasi asoschisi haqida hikoya qilinadi.
Bundan avval Qodirov oilasi bilan bu serialni tomosha qilishini aytgandi.
2018-yil yakunida Turkiyaga tashrifi chog‘ida u suratga olish maydonida bo‘lib, rejissor va aktyorlarni Chechenistonga taklif qilgandi.
Aprelda rejissor Bozdag Mehmet va bosh qahramon rolini ijro qilgan aktyorlar Jengiz Joshkun va Nureddin Senmez Grozniyga kelgandi.
https://www.instagram.com/p/ByECTPul-XQ/?utm_source=ig_embed
Izoh (0)