“Qo‘qon-1912” klubi bosh murabbiyi No‘mon Hasanov o‘z arizasiga binoan iste’foga chiqdi. Bu haqda klubning rasmiy saytida xabar berildi.
Jamoani vaqtinchalik Aziz To‘xtaboyev boshqarib turadi.
No‘mon Hasanov “Qo‘qon-1912”ni 2016-yilning 2-davrasidan buyon boshqarib kelayotgan edi. Jamoa uning qo‘l ostida 2017 va 2019-yillarda Farg‘ona viloyat hokimi kubogi g‘olibi bo‘ldi. Shuningdek 2017-yilda Qo‘qon futboli tarixidagi eng uzoq mag‘lubiyatsiz seriyani takrorladi. Jamoa 2-turdan 13-turgacha 11ta o‘yinda mag‘lubiyat nimaligini bilmadi. “Qo‘qon-1912” jamoasi Toshkentda “Paxtakor”, “Lokomotiv” jamoalaridan ochko tortib olishga erishdi. Safarda esa “Bunyodkor”ni mag‘lub etdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)