2019-yilning 27-aprel kuni o‘zbekistonlik Umidjon Abduvaliyev mamlakatning Vladivostok shahridagi bosh konsulxonasiga ish haqi va pasportini qaytarishda yordam so‘rab, telefon orqali murojaat qildi. Bu haqda TIV matbuot xizmati ma’lum qildi.
Aniqlanishicha, ushbu fuqaro 2018-yil noyabr oyida Amur viloyatiga kelib ishga joylashgan va joriy yilning mart oyiga qadar hech qanday muammoga duch kelmagan. Lekin mart oyida ish beruvchi bilan kelishmovchilik tufayli unga oylik to‘lashmagan, pasportini qaytarib berishni rad qilib, o‘z harakatlarini mehnat patenti rasmiylashtirilgani uchun U. Abduvaliyevning qarzdor ekanligi bilan izohlashgan.
Bosh konsulxona bir necha marta muzokaralar o‘tkazib, mazkur masalani ijobiy hal etishga muvaffaq bo‘ldi. Natijada U. Abduvaliyevga pasporti va ushlab qolingan ish haqi qaytarildi. U temir yo‘l chiptasini sotib olib, 10-may kuni O‘zbekistonga yo‘l oldi
Izoh (0)