Buxoro shahridagi Islom Karimov ko‘chasida joylashgan viloyat prokuraturasi binosida “Kitobxon shahar” nomli erkin va ochiq kutubxona tashkil etildi. Bu haqda viloyat Prokraturasi matbuot xizmati rahbari “Daryo”ga ma’lum qildi.
— Bugungi kunda yurtimizda kitobxonlikka, kitob mutolaasiga juda katta e’tibor berilayotgani kasb egalarini yanada faol ishlashga undamoqda. Viloyat prokurori sektorida tashkil etilgan kutubxonada 1500 turdagi 4700 dan ortiq adabiy-badiiy, ma’rifiy va ilmiy-ommabop eng sara kitoblar jamlangan. Kitobxonlar uchun mazkur kitoblardan hech qanday rasmiyatchiliksiz, ya’ni biror bir hujjat taqdim qilmasdan, beg‘araz olib ketib, mutolaa qilish imkoniyati yaratildi. Shuningdek, kitobxonlar o‘z istaklaridan kelib chiqib, shaxsiy kutubxonalaridan kitoblar taqdim etishlari mumkin, — dedi viloyat Prokraturasi matbuot xizmati rahbari.
Viloyat prokurori sektori qoshidagi kutubxona, nafaqat, sektor joylashgan binoning tashqi tomonida, balki ish yuzasidan kelgan fuqarolar uchun ichki kutish zalida ham tashkil etilgan. Kutubxonadan Abu Rayhon Beruniy, Al-Xorazmiy, Abu Ali ibn Sino, Amir Temur, Mirzo Ulug‘bek, Alisher Navoiy, Zahiriddin Muhammad Bobur, Uvaysiy va Nodira hamda zamonaviy adib va shoirlar kitoblari o‘rin olgan.
Kitobxonlikni yanada keng targ‘ib etishni yanada kuchaytirish maqsadida Kogon shahar, G‘ijduvon, Qorako‘l hamda Kogon tuman prokurorlari sektorlarida ham shunday kutubxonalar tashkil etildi.
Izoh (0)