Petro-Slavyankada rangli metall qabul qilish stansiyasiga hujum chog‘ida o‘zbekistonlik muhojir qo‘rquvdan vafot etdi

Beshta niqob taqib olgan erkak 400 ming rubl qiymatdagi bir tonna metallni o‘g‘irlagan, deya xabar beradi “Konkretno.ru”.

Petro-Slavyankada rangli metallarni qabul qilish punktida qaroqchilar hujumi paytida muhojir vafot etgan.

23-mart kuni soat 02:40 atrofida qora niqob taqqan besh nafar jinoyatchi tikonli simni kesib o‘tib, Sofiyskiy ko‘chasi 96-B dagi sanoat hududida joylashgan ijaraga olingan hududga bostirib kirgan. Jinoyatchilar jismoniy kuch ishlatib, to‘rt nafar ishchi, 22, 40, 44 va 45 yoshli O‘zbekiston fuqarolarini arqonlar bilan bog‘lab qo‘ygan.

Keyin metall omborning qulfini buzib, 690 kilogramm mis qoldiqlari, 240 kilogramm bronza va 166 kilogramm bronza parchalarni o‘g‘irlab qochgan.

Ishchilardan biri bo‘lgan 44 yoshli O‘zbekiston fuqarosi voqea joyida tez yordam kelgunga qadar vafot etgan. O‘limning ehtimoliy sababi yurak xuruji bo‘lgan.

Mazkur holat bo‘yicha Rossiya Federatsiyasi Jinoyat kodeksining 161-moddasi bo‘yicha jinoyat ishi qo‘zg‘atilgan.