O‘zbekistonda MDH davlatlari bilan hamkorlikda pedagogik kadrlar tayyorlash yo‘lga qo‘yiladi

Oliy va o‘rta maxsus ta’lim vazirligida Moskva pedagogika davlat universiteti rektori Aleksey Lubkov boshchiligidagi delegatsiya qabul qilindi. Bu haqda vazirlik matbuot xizmati ma’lum qildi.

Vazir Inomjon Majidov Aleksey Lubkov bilan Moskva pedagogika davlat universiteti bilan tuzilgan yo‘l xaritasiga muvofiq MDHga a’zo davlatlar bilan hamkorlikda pedagogik kadrlar tayyorlash, ta’lim sohasida ikki davlato‘rtasidagi hamkorlik aloqalarini rivojlantirish masalalarini muhokama qildi.

Rossiyalik mehmonlar O‘zbekistonga safari davomida asosiy hamkori — Toshkent davlat pedagogika universitetida ham bo‘lib, bir qator uchrashuv va muzokaralar o‘tkazadi.

Jumladan, bakalavriat hamda magistratura yo‘nalishlari bo‘yicha qo‘shma ta’lim dasturlarini amalga oshirish masalasi ko‘rib chiqiladi.