Tojikistonlik o‘qituvchi Umarali Zulfon 34 yildan buyon suvi qochmagan Samarqand nonini saqlab kelmoqda. Bu haqda Asia-Plus teleradiokompaniyasi hikoya qiladi, deb yozadi Repost.
Erkak nonni 1985-yilda Samarqanddan olib kelganligi ta’kidlanmoqda. Shaharga ish bo‘yicha borgan Umaraliga nonni mahalliy aholi sovg‘a qilgan. Shundan beri u nonni uyida saqlab kelgan. Vaqti-vaqti bilan non o‘zining dastlabki ko‘rinishini yo‘qotmasligi uchun kungaboqar yog‘ini surib turgan. Uning so‘zlariga qaraganda, ko‘pchilik non 34 yil avval O‘zbekistondan keltirilganligiga ishonmaydi.
Samarqand noni — eng mashhur o‘zbek taomlaridan biri bo‘lib, haqiqiy Samarqand noni uch yil davomida yeyish uchun yaroqli hisoblanadi.
Izoh (0)