“O‘zstandart” agentligi va Turk standartlari instituti hamkorlik istiqbollarini muhokama qildi

“O‘zstandart” agentligi hamda Turk standartlari instituti (TSE)ning navbatdagi ta’sis kengashida “O‘zstandart” agentligi bosh direktori o‘rinbosari Jasur Shukurov hamda “Turk standartlari instituti” Prezidenti Adem Shaxin o‘rtasida o‘zaro muloqot bo‘lib o‘tdi. Bu haqda “O‘zstandart” agentligi “Daryo”ga ma’lum qildi.

Uchrashuv jarayonida o‘tgan davr mobaynida hamkorlik doirasida amalga oshirilgan ishlar hisoboti, kelgusida xodimlar malakasini oshirish, o‘zaro tajriba almashish, xalqaro ekspert auditorlarni jalb qilish kabi masalalar muhokama qilindi.

Yig‘ilish so‘nggida mehmonlar markaz Sinov laboratoriyalari majmuasi faoliyati bilan tanishdi.