O‘zbekiston Respublikasi oliy o‘quv yurtlari talabalari uchun e’lon qilingan maxsus stipendiya va stajirovka o‘tash tanlovining natijalari e’lon qilindi, deb xabar bermoqda Markaziy bank axborot xizmati.
O‘zbekiston Respublikasi oliy o‘quv yurtlari talabalari uchun e’lon qilingan maxsus stipendiya va stajirovka o‘tash tanloviga muvofiq, o‘tkazilgan 3 bosqichli tanlov natijalariga ko‘ra, 320 nafar talabgor orasidan 40 nafar talaba Markaziy bank stipendiyasiga munosib deb topildi va to‘rt oy davomida Markaziy bankning faoliyati bilan tanishish imkoniyatiga ega bo‘ldi.
28-fevral kuni Markaziy bankda stipendiatlar uchun qabul marosimi tashkil qilinib, Markaziy bank Raisi M.Nurmuratov rahbarligidagi Boshqaruv a’zolari Markaziy bankning stipendiyasiga munosib topilgan barcha talabalarni oliy o‘quv yurtlarida olgan bilimlarini amaliy ko‘nikmalar bilan mustahkamlash imkoniyatiga ega bo‘lganliklari bilan tabrikladi.
Markaziy bank faoliyati va asosiy vazifalarini to‘liq tushunib yetish uchun har bir stipendiat mart oyidan boshlab 4 oy davomida Markaziy bankning turli departamentlarida amaliyot o‘taydi.
Mazkur dastur kadrlarni talabalik davridan boshlab maqsadli ravishda tayyorlash va makroiqtisodiy siyosat va Markaziy bank faoliyatiga oid bilimlarini oshirishni rag‘batlantirish maqsadida keyinchalik Markaziy bankka ishga joylashish imkonini beradi.
Izoh (0)