Bugun,

  • USD 11095.31
  • RUB 173.84
  • EUR 10772.44

Toshkentdagi “Humo” muz sporti arenasi 15-mart kuni ochilishi rejalashtirilmoqda. Bu haqda Sputnik O‘zbekiston Xokkey federatsiyasiga tayanib xabar berdi.

Foto: Sputnik

Foto: Sputnik

“Humo Arena ochilishi 15-mart kuniga belgilangan. Yirik sport majmuasi ochilish marosimiga MDH davlatlaridan oliy martabali mehmonlar kelishi kutilmoqda”, — deyilgan xabarda.

Eslatib o‘tamiz, Humo Arena qurilishi 2017-yilda boshlangan edi. Sport majmuasida xokkey, short-trek, figurali uchish va kyorling kabi qishki sportlar bo‘yicha musobaqalar o‘tkazish, shuningdek, konsert, ko‘rgazma va forumlar tashkil qilinishi mumkin.

Humo Arena 7 qavatdan iborat bo‘lib, uning umumiy maydoni 82 ming metr kvadrat. Majmua 12 ming tomoshabinga mo‘ljallangan. Shuningdek u yerda 1600 o‘rinli avtoturargoh bor.

Bino qurilishida 4 mingdan ortiq ishchilar ishlagan, Germaniya, Rossiya, Avstriya, Ispaniya, Fransiya, Italiya va boshqa mamlakatlardan 10 dan ortiq hamkor kompaniyalar jalb qilingan.

Humo Arena umumiy qiymati — 1,5 trillion so‘m bo‘lib, undan 185 million AQSh dollari xorijiy investitsiyalardir.

Izoh
Asosiy yangiliklar
Sport
Mahmud Murodovning navbatdagi jangi sanasi va manzili aniq bo‘ldi
Mahalliy
O‘zbekistonliklar uchun Qozog‘istonda ro‘yxatdan o‘tmasdan qolish muddati 30 kungacha uzaytirildi
Mahalliy
“2022-yilda uy-joy narxlari ikkilamchi bozorda 28 foizga, aholi real daromadi esa 9 foizga oshdi” – Markaziy bank raisi