“Daryo”ning “O‘zbektelekom”dagi manbasi xabar berishicha, oxirgi sutkalarda Facebook ijtimoiy tarmog‘i va YouTube videoservisi O‘zbekistonda odatiy rejimda ishlay boshlagan.

Foto: Google Images

Shu paytgacha ular nima sababdan ishlamaganligi noma’lumligicha qolmoqda.

Facebook va YouTube O‘zbekistonda yaxshi ishlay boshlaganligi, hammasi joyiga tushganligi haqida izoh berilgan bo‘lsa-da, bundan keyingi vaziyatni vaqt ko‘rsatadi.

Eslatib o‘tamiz, O‘zbekistonda 2018-yilning sentabr oyi boshida Facebook’dan foydalanishda muammolar yuzaga kelgandi, oktabr oyidan esa YouTube portaliga ham yordamchi vositalarsiz kirib bo‘lmay qolgandi.