21-fevral, payshanba kuni futbol bo‘yicha Yevropa Ligasi 1/16 final bosqichining navbatdagi javob uchrashuvlari bo‘lib o‘tadi.
Unai Emeri qo‘l ostidagi Londonning “Arsenal” klubi “Emireyts” stadionida Minskning BATE jamoasi bilan jang qiladi. Bellashuv Toshkent vaqti bilan soat 22:55 da boshlanadi.
Eslatib o‘tamiz, “to‘pchilar” musobaqa 1/16 finalining dastlabki o‘yinda mehmonda minskliklarga 0:1 hisobida mag‘lub bo‘lgandi.
Shu kuni Londonning boshqa bir klubi “Chelsi” o‘z maydonida Shvetsiyaning “Malmyo” jamoasini qabul qiladi.
Ma’lumot uchun, “aristokratlar” safarda o‘tgan birinchi o‘yinda kichik hisobda g‘alaba qozongandi (2:1).
Shu kuni Milanning “Inter” klubi “Juzeppe Meatssa” stadionida Venaning “Rapid” jamoasini sinovdan o‘tkazadi. Ikkala uchrashuv ham tungi vaqt bilan soat 01:00 da start oladi.
Ta’kidlash joiz, Luchano Spaletti shogirdlari birinchi to‘qnashuvda Lautaro Martinesning kiritgan yagona goli evaziga g‘alabaga erishgandi.
Yevropa Ligasi
1/16 final bahslari
21-fevral, payshanba
Toshkent vaqti bilan soat 22:55
“Dinamo Zagreb”—“Viktoriya Plzen” (1:2)
“Arsenal”—BATE (0:1)
“Vilyarreal”—“Sporting” (1:0)
“Zenit”—“Fenerbahche” (0:1)
“Valensiya”—“Seltik” (2:0)
“Ayntraxt F”—“Shaxtyor” (2:2)
“Napoli”—“Syurix” (3:1)
“Zalsburg”—“Bryugge” (1:2)
Soat 01:00“Chelsi”—“Malmyo” (2:1)
“Bayer Leverkuzen”—“Krasnodar” (0:0)
“Betis”—“Renn” (3:3)
“Dinamo Kiyev”—“Olimpiakos” (2:2)
“Genk”—“Slaviya Praga” (0:0)
“Inter”—“Rapid Vena” (1:0)
“Benfika”—“Galatasaroy” (2:1)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)