“O‘zagrotexsanoatxolding” Tojikistonda traktor ishlab chiqaradi
O‘zbekiston Respublikasining Tojikistondagi elchisi Ergash Shoismatov ikki tomonlama hamkorlik istiqbollarini, xususan, qo‘shma korxonalar tashkil etish va mashinasozlikni tashkil etish masalalarini muhokama qilish uchun tojikistonlik ishbilarmonlar bilan uchrashdi, deya xabar beradi “ASIA-Plus”.
Uchrashuvda o‘zbek va tojik tadbirkorlari ko‘mir qazib olish va yuk tashish uchun uskunalar ishlab chiqarish bo‘yicha yangi ishlab chiqarish kompaniyasini tashkil etganligi qayd etilgan.
Tojikistonda qishloq xo‘jaligi texnikasini ishlab chiqarishga ixtisoslashgan “Oriyon Invest” investitsion-ishlab chiqarish kompaniyasi va “O‘zagrotexsanoatholding” AJ muassisligida “Oriyon O‘zagro” qo‘shma korxonasi tashkil etildi.Fevral oyining o‘rtalarida Dushanbe shahrida bo‘lib o‘tgan tojik va o‘zbek kompaniyalari vakillarining uchrashuvi chog‘ida tomonlar yaqinda Dushanbe yaqinida ushbu korxona qurilishini boshlashga qaror qilgan.
Yangi tashkil etilgan korxonaning mas’ullari avvaliga 120 nafar yangi ish o‘rinlari yaratilishini ma’lum qilgan. Ushbu korxonaga asosan mahalliy mutaxassislar jalb qilinadi. Kelgusida qishloq xo‘jaligi texnikasini ishlab chiqarishda kadrlarni tayyorlash uchun respublikaning oliy o‘quv yurtlari bilan shartnoma tuzish rejalashtirilgan.
O‘zbekiston va Tojikiston o‘rtasidagi hamkorlik yangi darajaga yetdi: o‘tgan yili o‘zbekistonlik investorlar Tojikiston iqtisodiyotiga 5,4 million AQSh dollar sarmoya kiritgan. Bu haqda Tojikistonning Investitsiyalar va davlat mulkini boshqarish bo‘yicha davlat qo‘mitasi raisi Farruh Hamralizoda 12-fevral kuni matbuot anjumanida ma’lum qildi.
Uning so‘zlariga ko‘ra, O‘zbekiston sarmoyasi qishloq xo‘jaligi, parrandachilik va bog‘dorchilikni rivojlantirishga yo‘naltirilgan.
Rasmiy ma’lumotlarga ko‘ra, so‘nggi to‘rt yilda O‘zbekiston bilan Tojikiston o‘rtasidagi tovar ayirboshlash hajmi 14,9 million AQSh dollaridan 281,5 million AQSh dollariga yetgan.
Tojikiston hukumati qoshidagi bojxona xizmati rahbari Xurshed Karimzodaning so‘lariga ko‘ra, 2018-yilda O‘zbekistonga 153,3 million AQSh dollarlik tovar eksport qilingan.
“Hamkorligimizda hali ko‘p foydalanilmagan imkoniyatlar mavjud. Ushbu suratda davom etadigan bo‘lsak, tez orada savdo hajmini 500 million AQSh dollariga yetkazamiz. Bizning salohiyatimiz kamida 1 milliard AQSh dollarini tashkil qiladi”, — deydi O‘zbekiston prezidenti Shavkat Mirziyoyev Tojikiston prezidentining Toshkentga tashrifi chog‘ida.
