Ўзбекистонда ўн бир йиллик таълимнинг қайта тикланиши билан мактабларда касбга йўналтириш масалалари долзарб тус олди.
КНАУФ компанияси юқори синфлар ўқувчиларига бўлғуси касбини танлашга ёрдам берувчи «Ўз ҳунарингни топ» дастурини ишлаб чиқди.
2019 йилнинг 14 февралида «Ўз ҳунарингни топ» касбга йўналтириш дастурининг биринчи иштирокчилари КНАУФ гипскартон қопламаларини ишлаб чиқариш заводида бўлдилар.
Бухоро шаҳридаги 17-сонли мактабнинг 11-синф ўқувчилари мазкур ташриф доирасида компаниянинг турли бўлинмалари мутахассислари фаолияти билан танишиб, касб танлаш каби муҳим ва нозик масалада нималарга эътибор қаратиш лозимлиги ҳақида фикр алмашдилар.
Ўқувчилар учун шунингдек, айни дамда Лондонда фаолият юритаётган ватандошимиз билан видео алоқа орънатилди.
У мактаб ўқувчиларига ўзининг рағбатлантирувчи ва қизиқиш уйғотувчи нутқи билан мурожаат қилди ва заводнинг ёш меҳмонлари саволларига батафсил жавоблар қайтарди.
«16 ёшлик ўсмирда бўлғуси касби тўғрисида аниқ тасаввур мавжуд эмас. Болалар одатда ота-онаси айтган ва пастроқ ўтиш баллига эга олий ўқув юртларга ҳужжат топширадилар ёхуд бухгалтерия ёки ҳуқуқшунослик каби таниқли йўналишларни танлайдилар. Натижада кимдир институтдаги ўқишини охирига етказмай ташлаб кетади, кимдир эса ўз мутахассислиги бўйича ишламайди. Биз мактаб ўқувчилари кенг тарқалган касблардан ташқари бошқа кўплаб жуда қизиқ ва талаби катта бўлган касблар мавжудлигини англаб етишини хоҳлаймиз. Бунда гап фақат муҳандислар ва усталар ҳақида кетаётгани йўқ - КНАУФ заводида турли соҳалардаги мутахассислар ишлайди.
Мактабда бошланғич сессиялардан сўнг ўқитувчилар менга болаларга муваффақиятли, руҳланган ва ўз ишини севган инсонлар билан мулоқот етишмаслиги ҳақида айтарди. Буни мен ўзим ҳам ўқувчилар фикр-мулоҳазаларини ўрганган ҳолда яхши тушунар эдим. «Ўз ҳунарингни топ» дастури 10-11 синф ўқувчиларига ўз касбий йўналишини излашга ёрдам беради», - дейди КНАУФ ахборот-маслаҳат маркази раҳбари Санжар Атаев.
«Ўз ҳунарингни топ» лойиҳаси юқори синф ўқувчиларига тегишли касбни танлашга ёрдам беради.
Дастур икки қисмдан иборат:
- Ахборот қисми. Ўқувчилар КНАУФ компаниясининг турли бўлинмалари ходимлари иши билан танишадилар ва улар билан танланган ихтисосликнинг амалий томони ҳақида суҳбатлашадилар.
- Рағбатлантирувчи қисми. Касбга йўналтириш дастури доирасида мактабларда муваффақиятли инсонлар билан интерактив суҳбатлар ташкил этилади.
«Ўз ҳунарингни топ» лойиҳаси Бухоро шаҳрининг барча мактаблари учун очиқ.
Дастурда иштирок этиш масалалари юзасидан ўқув юртлари маъмуриятлари лойиҳа куратори Санжар Атаевга аtaev.sanjar@knauf.uz электрон манзили бўйича мурожаат этишини сўраб қоламиз.
КНАУФ компанияси тўғрисида:
КНАУФ компанияси - жаҳонда қурилиш материалларини энг йирик ишлаб чиқарувчиларидан бири бўлиб, қуруқ қурилиш инновацион технологияларини қўллаш билан боғлиқ янги қурилиш касбларига ўргатиш бўйича етакчи ўрин эгаллайди.
МДҲ давлатларида ўз фаолиятининг бошида КНАУФ компанияси замонавий қурилиш технологиялари ва материаллари билан ишловчи профессионалларни ўқитиш ва малакасини ошириш тизимига маблағларни инвестиция қилди. Ушбу ёндашиш компания фалсафасининг бир қисми - фирмага ўз маҳсулотини юқори сифат даражасида қўллаш имконини берувчи «КНАУФ тўплам тизимлари»нинг ажралмас элементи ҳисобланади .
Бухоро ва Тошкент шаҳарларида компаниянинг ҳам бошловчи, ҳам тажрибали усталарнинг қуруқ қурилиш технологиясини ўргатувчи ўқув марказлари фаолият юритмоқда.
Компания 15 та касб қурилиш коллежлари билан ҳамкорлик қилиб, ўқувчиларга амалиёт ўташ ва малакасини ошириш имконини тақдим этади.
2015 йилнинг куз фаслида Марғилонда биринчи КНАУФ ресурс маркази очилди. Компаниянинг Тошкент ва Самарқанд архитектура-қурилиш институтларидаги маслаҳат марказлари талабаларга Кнауф қуруқ қурилиш тизимларини ва уларнинг муҳандислик тавсифларини ўрганишга ёрдам беради.
Реклама ҳуқуқи асосида.
Изоҳ (0)