“Atletiko Madrid” hujumchisi Antuan Grizmann La Liga 24-turidan o‘rin olgan bahsda “Rayo Valyekano” darvozasini ishg‘ol qildi. (1:0).
Fransiyalik futbolchi 9 ta o‘yin natijasiga ko‘ra “gol-pas” tizimida 9 ochko jamg‘ardi (7 ta gol va 2 ta golli pas).
Bundan tashqari, ushbu gol Grizmann uchun “Atletiko” safidagi 130-goli bo‘ldi. Natijada u klub tarixidagi to‘purarlar ro‘yxatida Fernando Torresni (129 ta gol) quvib o‘tdi va 5-o‘ringa ko‘tarilib oldi.
Klub tarixidagi top-5 to‘purarlar ro‘yxati:
- Luis Aragones — 173
- Adrian Eskudero — 169
- Pako Kampos — 144
- Xose Euloxio Garate — 135
- Antuan Grizmann — 130
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)