9-fevral, shanba kuni futbol bo‘yicha Angliya premyer ligasining 26-tur bahslariga start berildi.
Unai Emeri qo‘l ostidagi Londonning “Arsenal” klubi safarda “Haddersfild” mehmoni bo‘ldi.
1-bo‘limning 16-daqiqasida Aleks Ivobi hisobni ochgan bo‘lsa, 44-daqiqaga kelib Aleksandr Lyakazett hisobni 2:0 ko‘rinishiga olib keldi.
Uchrashuvning so‘nggi daqiqalarida “to‘pchilar” yarim himoyachisi Sead Kolashinats o‘z darvozasini ishg‘ol qilib qo‘ydi.
Shu tariqa londonliklar mehmonda kichik hisobda g‘alaba qozondi va 3 ochkoga ega bo‘ldi.
Shu kuni Yurgen Klopp boshqaruvidagi “Liverpul” jamoasi “Enfild” stadionida “Bornmut”ni sinovdan o‘tkazdi.
Bellashuvning 24-daqiqasida Jeyms Milner uzatgan to‘pni Sadio Mane darvozaga kiritgan bo‘lsa, oradan 10 daqiqada o‘tib Jorjinio Veynaldum hisobni 2:0 ko‘rinishiga olib keldi.
2-bo‘limning 3-daqiqasida (48) misrlik hujumchi Muhammad Saloh jamoasining 3-goliga mualliflik qildi va hisobni yiriklashtirdi.
Shu tariqa “mersisaydliklar” “Bornmut” darvozasiga javobsiz 3 ta gol urib, g‘alaba erishdi.
Ayni damda “qizillar” 65 ochko to‘plagan holda musobaqa jadvalini boshqarib bormoqda.
APL
26-tur bahslari
9-fevral, shanba
“Uotford”—“Everton” 1:0
Gollar: 1:0 — 65 Gray.“Kristal Pelas”—“Vest Hem” 1:1
Gollar: 0:1 — 27, penalti, Nobl, 1:1 — 76 Zaha.“Haddersfild”—“Arsenal” 1:2
Gollar: 0:1 — 16 Ivobi, 0:2 — 44 Lyakazett, 1:2 — 90, avtogol, Kolashinats.“Liverpul”—“Bornmut” 3:0
Gollar: 1:0 — 24 Mane, 2:0 — 34 Veynaldum, 3:0 — 48 Saloh.“Sauthempton”—“Kardiff” 1:2
Gollar: 0:1 — 69 Bamba, 0:2 — 90 Zoxore, 1:2 — 90 Stivens.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)