9 февраль, шанба куни футбол бўйича Англия премьер лигасининг 26-тур баҳсларига старт берилди.
Унаи Эмери қўл остидаги Лондоннинг «Арсенал» клуби сафарда «Ҳаддерсфилд» меҳмони бўлди.
1-бўлимнинг 16-дақиқасида Алекс Ивоби ҳисобни очган бўлса, 44-дақиқага келиб Александр Ляказетт ҳисобни 2:0 кўринишига олиб келди.
Учрашувнинг сўнгги дақиқаларида «тўпчилар» ярим ҳимоячиси Сеад Колашинац ўз дарвозасини ишғол қилиб қўйди.
Шу тариқа лондонликлар меҳмонда кичик ҳисобда ғалаба қозонди ва 3 очкога эга бўлди.
Шу куни Юрген Клопп бошқарувидаги «Ливерпуль» жамоаси «Энфилд» стадионида «Борнмут»ни синовдан ўтказди.
Беллашувнинг 24-дақиқасида Жеймс Милнер узатган тўпни Садио Мане дарвозага киритган бўлса, орадан 10 дақиқада ўтиб Жоржинио Вейналдум ҳисобни 2:0 кўринишига олиб келди.
2-бўлимнинг 3-дақиқасида (48) мисрлик ҳужумчи Муҳаммад Салоҳ жамоасининг 3-голига муаллифлик қилди ва ҳисобни йириклаштирди.
Шу тариқа «мерсисайдликлар» «Борнмут» дарвозасига жавобсиз 3 та гол уриб, ғалаба эришди.
Айни дамда «қизиллар» 65 очко тўплаган ҳолда мусобақа жадвалини бошқариб бормоқда.
АПЛ
26-тур баҳслари
9 февраль, шанба
«Уотфорд»—«Эвертон» 1:0
Голлар: 1:0 — 65 Грай.«Кристал Пэлас»—«Вест Ҳэм» 1:1
Голлар: 0:1 — 27, пенальти, Нобл, 1:1 — 76 Заҳа.«Ҳаддерсфилд»—«Арсенал» 1:2
Голлар: 0:1 — 16 Ивоби, 0:2 — 44 Ляказетт, 1:2 — 90, автогол, Колашинац.«Ливерпуль»—«Борнмут» 3:0
Голлар: 1:0 — 24 Мане, 2:0 — 34 Вейналдум, 3:0 — 48 Салоҳ.«Саутҳэмптон»—«Кардифф» 1:2
Голлар: 0:1 — 69 Бамба, 0:2 — 90 Зохоре, 1:2 — 90 Стивенс.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)