Olimlar o‘sma immunoterapiyaning yangidan-yangi variantlarini topishmoqda. Avvaliga bular T-hujayralar, keyin makrofaglar edi, endi esa eozinofillar.
Bu oq qon hujayralari bronxial astma, allergik rinit, atopik dermatit kabi kasalliklarning kelib chiqishida ishtirok etadi. Lekin Tel-Aviv universiteti mutaxasislari ularga boshqa rolni taklif qilmoqda. Eozinofillar endilikda o‘zini o‘sma hujayralarini yo‘qotishda sinab ko‘radi.
Eozinofillar — kuchli parchalovchi xususiyatli oqsillar ishlab chiqaruvchi leykotsitlar. Shunisi aniqki, qachonlardir ular parazitlar bilan kurashda muhim rol o‘ynagan. Ammo bugungi kunga kelib ko‘pchilik insonlar toza sharoitda va gigiyenaga rioya qilib yashaganligi tufayli ishsiz qoldi va nojo‘ya effekt sifatida allergiya va astma keltirib chiqara boshladi.
Nazariy jihatdan eozinofillar parazitlarni nobud qilish xususiyatiga ega bo‘lsa, demak ular o‘sma hujayralariga qarshi kurashishi mumkin.
Eozinofillarning ega katta rezervuari ovqat hazm qilish tizimida joylashgan, shuning uchun olimlar o‘z nazariyalarini to‘g‘ri ichak o‘smasida tekshirib ko‘rdi. Tadqiqotning birinchi etapida 275 ta patsiyentdan eozinofillar sonini o‘sma bosqichi va og‘irlik darajasi bo‘yicha solishtirib ko‘rish uchun o‘sma namunalarini olindi.
Aniqlanishicha, o‘sma to‘qimasida qanchalik kam eozinofillar bo‘lsa, kasallik shunchalik og‘ir darajada kechadi. Keyinchalik olimlar gipotezalarini sichqonlardagi turli kolorektal o‘smalarda tekshirib ko‘rishdi. Izlanishlar natijasida shu narsa ayon bo‘ldiki, eozinofillar kuchli o‘smalarga qarshi faollikka va ularni bevosita nobud qiladi.
Bundan tashqari eozinofillar gamma interferon bilan aktivlashtirilganda, ular o‘smalarga qarshi yanada yaxshiroq kurashgan. Har tomonlama analizlardan so‘ng olimlar shunday to‘xtamga keldi: eozinofillar o‘smani nobud qiluvchi boshqa hujayralarga nisbatan maxsus unikal faollikka ega. Masalan, ular sitotoksik T-hujayralardan mustaqil holda o‘smani nobud qilishi mumkin.
Eozinofillarning o‘smalarga qarshi yaxshigina qurolga egaligi xoh o‘smaga qarshi ta’sirni kengaytirish bilan bo‘lsin, xoh eozinofillarning sitotoksik T-hujayralarni birgalikda qo‘llash bo‘lsin, har qanday holatda ham o‘smani davolashda yangi imkoniyatlarni ochadi.
Izoh (0)