3-fevral, yakshanba kuni futbol bo‘yicha Ispaniya chempionatining 22-turi doirasida 4 ta bellashuv o‘z nihoyasiga yetdi.
Diyego Simyone boshqaruvidagi Madridning “Atletiko” klubi safarda “Betis” bilan bahs olib bordi.
Uchrashuvning 65-daqiqasida hakam tomonidan madridliklar darvozasi tomon penalti belgilandi va mezbon jamoa yarim himoyachisi Serxio Kanales Yan Oblak darvozasini aniq nishonga oldi (1:0).
Ushbu hisob o‘yin oxirigacha saqlanib qoldi va “Atletiko Madrid” mehmonda mag‘lub bo‘ldi.
Kunning so‘nggi o‘yini “Santyago Bernabeu” stadionida bo‘lib o‘tdi. Unda musobaqa jadvalida 3-pog‘onada borayotgan Santyago Solari boshliq “Real Madrid” klubi “Alaves”ni sinovdan o‘tkazdi.
Uchrashuvning 30-daqiqasida hujumchi Karim Benzema hisobni ochgan bo‘lsa, 80-daqiqaga kelib Vinisius Junior Marko Asensio uzatmasini golga aylantirdi va hisobni 2:0 ko‘rinishiga olib keldi. Madrid klubining 3-goli 90+1-daqiqada kiritildi. Unga Karim Benzema o‘rniga maydonga tushgan Mariano Dias mualliflik qildi.
Shu tariqa “Qirollik klubi” “Alaves” darvozasiga javobsiz 3 ta to‘p kiritib, muhim 3 ochkoga ega bo‘ldi.
22-tur natijasiga ko‘ra, madridliklar musobaqa jadvalida 2-o‘rinda borayotgan “Atletiko” bilan oradagi farqni qisqartirib oldi. Ayni damda “Real”da 42, “Atletiko”da esa 44 ochko mavjud. Musobaqa jadvalini boshqarib borayotgan “Barselona” 50 ochko jamg‘argan.
La Liga
22-tur bahslari
3-fevral, yakshanba
“Vilyarreal”—“Espanyol” 2:2
Gollar: 1:0 — 37 Iborra, 2:0 — 65 Kasorla, 2:1 — 75 Bonera, 2:2 — 81 Rosales.“Betis”—“Atletiko Madrid” 1:0
Gol: 1:0 — 65, penalti, Kanales.“Eybar”—“Jirona” 3:0
Gollar: 1:0 — 37 Pena, 2:0 — 46 Charlz, 3:0 — 57, penalti, Charlz.“Real Madrid”—“Alaves” 3:0
Gollar: 1:0 — 30 Benzema, 2:0 — 80 Junior, 3:0 — Dias.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)