Qozog‘istonlik chegarachilar 5 nafar o‘zbekistonlikni muzlab qolishdan qutqarib qoldi

Qozog‘iston chegara naryadi chegarani noqonuniy kesib o‘tayotgan besh nafar o‘zbekistonlikni qo‘lga oldi. Bu haqda “Podrobno.uz” xabar bermoqda.

“Qo‘lga olinganlar Darinsk posyolkasi tuman shifoxonasiga yetkazilgan. Ulardan birida shifokorlar umumiy sovqotish, oyoqlarini 3—4-darajali sovuq urishini qayd etgan. Erkak intensiv terapiya palatasiga joylashtirilgan. Uning ahvoli og‘ir”, — deya ta’kidlaydi Qozog‘iston Chegara xizmati.

Yana ikki erkakka umumiy sovqotish, oyoqlarini 2—3-darajali sovuq urishi tashxisi qo‘yilgan. Ularning ahvoli — o‘rtacha og‘ir. Qolgan ikki fuqaroda oyoqlarini 1-darajali sovuq urishi aniqlangan. Ular shifoxonaga yotqizilmagan.

Hozirda chegaradan noqonuniy o‘tishga uringan fuqarolar konvoy qo‘riqlovi ostida Darinsk posyolkasi shifoxonasida ekanligi ma’lum qilinmoqda.