20-yanvar, yakshanba kuni futbol bo‘yicha Osiyo Kubogi—2019 musobaqasining 1/8 final uchrashuvlariga start berildi.
Musobaqa nimchorak finalining dastlabki o‘yini Iordaniya va Vyetnam terma jamoalari qarshiligi ostida kechdi.
Bellashuvning 39-daqiqasida Iordaniya terma jamoasi a’zosi Bahaa Abdulrahmon jarima zarbasidan to‘pni Vyetnam darvozasiga joylab qo‘ydi.
2-bo‘limning 51-daqiqasiga kelib, Vyetnam yarim himoyachisi Chong Phuong Nguyen Trong Hoang Nguyen uzatmasini golga aylantirdi va hisobni tenglashtirdi (1:1). Uchrashuvning asosiy vaqtida g‘olib nomi aniqlanmadi.
Qo‘shimcha bo‘limlarda ham darvozalar daxlsizligi saqlanib qoldi.
Penaltilar seriyasida Vyetnam terma jamoasi g‘alabani ilib ketdi va Osiyo Kubogining chorak final yo‘llanmasini qo‘lga kiritdi (2:4).
Osiyo Kubogi—2019
1/8 final bahslari
20-yanvar, yakshanba
Iordaniya—Vyetnam 1:1 (2:4 penaltilar seriyasi)
Gollar: 1:0 — 39 Abdulrahmon, 1:1 — 51 Phuong Nguyen.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)