19-yanvar, shanba kuni futbol bo‘yicha Fransiya chempionatining 21-turi doirasidagi ikkinchi o‘yin yakunlandi.
Unda Parijning PSJ klubi o‘z maydonida “Gengam” klubini qabul qilib, javobsiz 9 ta gol urdi.
Uchrashuvning 11 va 68-daqiqalarida Neymar raqib darvozasiga 2 ta gol urib, dublga erishdi. Kilian Mbappe esa 37, 45, 80-daqiqalarida “Gengam” darvozasini ishg‘ol qilib, het-trik qayd etgan bo‘lsa, parijliklarning yana bir hujumchisi Edinson Kavani ham shunday ko‘rsatkichni qayd etdi (59, 66, 75-daqiqalar). Jamoaning so‘nggi goliga Tiago Silva o‘rniga maydonga tushgan Tomas Menye mualliflik qildi (83-daqiqa).
Shu tariqa PSJ “Gengam” klubini o‘z maydonida tor-mor qildi.
Liga 1
21-tur bahslari
19-yanvar, shanba
PSJ—“Gengam” 9:0
Gollar: 1:0 – 11 Neymar, 2:0 – 37 Mbappe, 3:0 – 45 Mbappe, 4:0 – 59 Kavani, 5:0 – 66 Kavani, 6:0 – 68 Neymar, 7:0 – 75 Kavani, 8:0 – 80 Mbappe, 9:0 – 83 Menye.PSJ: Buffon, Kerer, Markinyos, Silva (Menye, 76), Bernat (Kurzava, 67), Alves, Verratti (Draksler, 19), Di Mariya, Neymar, Mbappe, Kavani.
“Gengam”: Kayar, Ikoko, Kerbrat, Eboa, Rebocho, Dido, Firi, Deo (Blas, 56), Gabkoto (Jiloboji, 73), Mendi (Rodelin, 57), Tyuram.
Ogohlantirish: Kurzava (89).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)