13-yanvar, yakshanba kuni futbol bo‘yicha Angliya premyer ligasining 22-turi doirasida navbatdagi 2 ta o‘yin bo‘lib o‘tdi.
Turning markaziy o‘yini “Uembli” stadionida bo‘lib o‘tdi. Unda Maurisio Pochettino qo‘l ostidagi “Tottenhem” klubi Ole-Gunnar Sulsher boshqaruvidagi “Manchester Yunayted” jamoasini qabul qildi. Uchrashuv “qizil iblislar” g‘alabasi bilan yakunlandi (0:1).
1-bo‘limning so‘nggi daqiqalarida (44) Markus Reshford Pol Pogba uzatmasini golga aylantirdi (0:1). Bellashuv oxiriga qadar hisob o‘zgarmadi va “mankunianlar” “shporlar”ni o‘z maydonida yengdi.
Ma’lumot uchun, “Manchester Yunayted” yangi bosh murabbiy qo‘l ostida ketma-ket 6 ta o‘yinda g‘alaba qozonib, mag‘lubiyatsiz seriyasini davom ettirmoqda.
APL
22-tur bahslari
13-yanvar, yakshanba
“Everton”—“Bornmut” 2:0
Gollar: 1:0 — 61 Zuma, 2:0 — 90 Levin.“Tottenhem”—“Manchester Yunayted” 0:1
Gol: 0:1 — 44 ReshfordYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)