Kuni kecha foydalanishga topshirilgan Surxondaryo viloyat perinatal markazida 2019-yilning 1-yanvarida 4 nafar chaqaloqning ilk yig‘isi yangradi. Bu haqda Surxondaryo viloyati hokimligi matbuot xizmati xabar bermoqda.
Yangi yilning birinchi kunida o‘z farzandini dunyoga keltirgan onalardan birining aytishicha, bayram kuni bo‘lishiga qaramasdan, shifokorlar o‘z vazifalarini bajarishga mas’uliyat bilan kirishgan.
Bugun viloyat hokimi nomidan chaqaloqlarning ota-onalariga eng kerakli bo‘lgan anjomlardan iborat bayram sovg‘alari taqdim etildi.