26-dekabr, chorshanba kuni futbol bo‘yicha Angliya premyer ligasining 19-turi doirasida “Manchester Yunayted” klubi “Old Trafford” stadionida “Haddersfild”ni qabul qildi va 3:1 hisobidagi g‘alabani qo‘lga kiritdi.
Ushbu o‘yinda “qizil iblislar” yarim himoyachisi Pol Pogba 64 va 78-daqiqalarda gol urib, dublga erishdi.
Sulsher murabbiyligida Pogba 2 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
Qayd etish joiz, Pol avvalgi bosh murabbiy Joze Mourinyo davrida (joriy mavsum) 12 ta uchrashuvda raqib darvozasiga 1 ta gol urib, 3 ta golga assistentlik qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)