Toshkentdagi Xadichai Kubro ayol-qizlar bilim yurti asoschilaridan biri Malika hoji aya Nurmuhammedova vafot etdi

“Muslimaat.uz” muslimalar portali Malika hoji aya Nurmuhammedovaning vafot etgani munosabati bilan chuqur ta’ziya izhor etdi.

Malika hoji aya butun umrini Islom dinining ravnaqiga, xususan, ayol-qizlarning ta’limiga bag‘ishlagan inson edi. U kishi hozirgi Xadichai Kubro nomidagi ayol-qizlar Islom bilim yurtining tashkil qilinishiga bevosita sababchi bo‘lgan va 1993—2008-yillar davomida shu ilm-ma’rifat maskanida mudarrisa bo‘lib xizmat qilgan.