Shimoliy Koreya BMT sanksiyalariga qaramay, neft mahsulotlari importida aylanma yo‘llardan foydalanmoqda

Shimoliy Koreya neftni yashirin yo‘llar orqali import qilib, BMTning sanksiyalarini aylanib o‘tmoqda, deb xabar beradi NBC telekanali.

Ma’lum bo‘lishicha, kema va josus-samolyotlar doimiy kuzatuvida bo‘lgan KXDR chegaralari, Pxenyanning neft import qilish bo‘yicha logistikasini qayta ko‘rib chiqishga majbur qildi. Shimoliy Koreya neftni o‘z chegaralaridan ancha uzoqda, ko‘pincha boshqa mamlakatlarning dengiz hududlarida kemadan-kemaga transportirovka qilib, mamlakatga olib kirmoqda.

Hisobotlarda qayd etilishicha, neftni shunday yo‘llar orqali import qilish bilan bog‘liq xarajatlar oshgan.

Ma’lumot uchun, 2017-yilining avgustida BMTning Xavfsizlik kengashi tomonidan KXDRga ko‘mir, temir va dengiz mahsulotlar eksportini butunlay taqiqlab qo‘ygandi. 2018-yilning sentabrida Shimoliy Koreyaga neft mahsulotlarini eksporti ham cheklab qo‘yilgan.