YChL. “Real” o‘z maydonida SSKAga yirik hisobda yutqazib qo‘ydi, “Roma”da ham mag‘lubiyat (video)

12-dekabr, chorshanba kuni Yevropa Chempionlar Ligasi “G” guruhida so‘nggi tur o‘yinlari o‘tkazildi.

Musobaqaning amaldagi chempioni “Real Madrid” o‘z maydonida SSKAga 0:3 hisobida yutqazib qo‘ydi. Moskvaliklar safida Fyodor Chalov, Grigoriy Shennikov hamda Arnor Sigurdsson bittadan gol kiritdi.

“Roma” esa safarda “Viktoriya P” mehmoni bo‘lib, 1:2 hisobida yengildi.

So‘nggi turdan oldin “Real”ning guruhda birinchi, “Roma”ning esa ikkinchi o‘rin bilan 1/8 finalga chiqqani ma‘lum bo‘lib ulgurgandi. So‘nggi turdan so‘ng bir xil ochko jamg‘arganiga qaramay, o‘zaro o‘yinlar hisobiga ko‘ra, “Viktoriya” jamoasi Yevropa Ligasiga yo‘llanma oldi, SSKA uchun esa yevromavsum yakuniga yetdi.