O‘qituvchilik kasbi har bir davlatda eng muhim kasblardan hisoblanadi, chunki mamlakat farovonligi bevosita bog‘liq bo‘lgan xalqning savodli bo‘lishi uchun poydevorni aynan o‘qituvchilar qo‘yadi. Ayrim mamlakatlarda o‘qituvchilarning davlat rivoji uchun qo‘shayotgan hissasi yuksak qadrlanadi va ularga yaxshi maosh to‘lanadi, deb yozadi Uz24.

Quyida o‘qituvchilar yiliga eng ko‘p maosh oladigan mamlakatlar bilan tanishishingiz mumkin:

  1. Fransiya —31,421.49 dollar

Fransiyada école maternelle deb ataluvchi maktabgacha ta’limdan keyin majburiy ta’lim tizimi uchta: école, collège va lycée bosqichlariga bo‘lingan.

Foto: Uz24

  1. Portugaliya — 32,563.75 dollar

Portugaliyada maktabgacha ta’limdan oliy ta’limgacha bo‘lgan davrda ta’lim olish uchun davlat yoki xususiy ta’lim muassasasidan birini tanlash mumkin.

Foto: Uz24

  1. Kosta-Rika — 33,519.29 dollar

Kosta-Rikada o‘quvchilar oilalari orasidagi iqtisodiy tafovut ajralib turmasligi uchun barcha maktab o‘quvchilari bir xil libosda yurishi shart.

Foto: Uz24

  1. Shvetsiya — 36,766.81 dollar

Shvetsiyada majburiy maktab ta’limi to‘rt: maktabgacha, kichik, o‘rta va katta ta’lim bosqichlariga bo‘linadi.

Foto: Uz24

  1. Avstriya —37,122.44 dollar

Avstriyada 9 yillik majburiy bepul ta’lim tizimi joriy etilgan.

Foto: Uz24

  1. Finlyandiya — 37,728.28 dollar

Finlyandiyada bolalar 7 yoshga to‘lganidan keyin maktabga qabul qilinadi.

Foto: Uz24

  1. Kanada — 39,071.90 dollar

Bu yerda bolalar 16 yoshgacha maktabga kelishga majbur bo‘lib, Manitoba, Ontario va Nyu-Bransuikda ta’lim olish 18 yoshgacha majburiy hisoblanadi.

Foto: Uz24

  1. Niderlandiya — 39,098.02 dollar

Niderlandiyada asosiy ta’lim tili golland tili bo‘lsa-da, aksariyat maktab va universitetlar ingliz tilida ta’lim berishga o‘tmoqda.

Foto: Uz24

  1. Avstraliya — 40,762.47 dollar

Avstraliyada uch turdagi maktablar mavjud: davlat maktablari, katolik maktablari va mustaqil yoki xususiy maktablar.

Foto: Uz24

  1. Ispaniya — 41,886.99 dollar

2008-yilgi moliyaviy inqiroz sababli hozirda Ispaniya Yevropada ishsizlik ko‘rsatkichi bo‘yicha eng yuqori o‘rinda turadi.

Foto: Uz24

  1. Meksika — 42,816.51 dollar

Meksikada aksariyat bolalar boshlang‘ich maktabga boradi, ammo 2011-yilda atigi 62 foiz bola o‘rta maktabga kirgan.

Foto: Uz24

  1. AQSh — 43,556.76 dollar

2011-yilda AQShda 3 yoshli bolalarning yarmi maktabgacha ta’lim muassasasiga qatnagan bo‘lsa, Yevropada bu ko‘rsatkich 90 foizni tashkil etgan.

Foto: Uz24

  1. Daniya — 46,784.11 dollar

Daniyada ta’lim olish bepul bo‘lib, bu yerda 9 yillik majburiy ta’lim joriy etilgan.

Foto: Uz24

  1. Norvegiya — 47,313.23 dollar

Norvegiyada muhojirlarning farzandlari uchun ta’lim ikki tilda olib boriladigan maktablar faoliyat ko‘rsatadi.

  1. Germaniya — 61,418.47 dollar

Nemis oilalaridagi bolalarning aksariyati davlat maktablarida o‘qiydi.

Foto: Uz24

  1. Shveysariya — 69,704.74 dollar

Shveysariyada 26 ta kanton majburiy ta’lim tizimi uchun mas’ul hisoblanadi.

Foto: Uz24

  1. Lyuksemburg — 79,129.67 dollar

Lyuksemburgda ta’lim uchta tilda: lyuksemburg, nemis va fransuz tillarida olib boriladi.

Foto: Uz24

Ma’lumot uchun, O‘zbekistonda 2019-yilning 1-yanvaridan boshlab umumta’lim maktablari boshlang‘ich va yuqori sinf o‘qituvchilariga toifasiga qarab 1 614 581 so‘mdan – 2 225 864 so‘mgacha to‘lanadi.