24-noyabr, shanba kuni (Toshkentda 25-noyabr) AQShning Atlantik Siti shahrida katta boks oqshomi o‘tkaziladi. Unda bir yo‘la uch nafar o‘zbekistonlik bokschi ishtirok etadi.
Jumladan, prof boksda mag‘lubiyatsiz odimlayotgan Rio—2016 Olimpiadasi sovrindori Murodjon Ahmadaliyev o‘zining beshinchi jangida Isak Zaratega qarshi ringga chiqadi. Mazkur jang 10 raunddan iborat bo‘lib, unda Murodjon WBA Intercontinental kamarini himoya qiladi.
Rio—2016’ning kumush medali sohibi Shahram G‘iyosov o‘zining prof boksdagi oltinchi jangida meksikalik Migel Zamudioga qarshi jang qiladi.
Jakartadagi Osiyo o‘yinlari g‘olibi Isroil Madrimov esa o‘zining prof ringdagi debyut jangida meksikalik Vladimir Ernandesga qarshi WBA Intercontinental kamari uchun jang qiladi. Ular o‘rtasidagi jang ham 10 raundga mo‘ljallangan.
Mazkur janglar O‘zbekiston telekanalari translyatsiya qilinmaydi.
- Murodjon Ahmadaliyev (prof boksda 4 ta jang, 4 ta g‘alaba, 3 tasi nokaut bilan)
- Isak Zarate (22 ta jang o‘tkazgan, 16 ta g‘alaba, 3 ta mag‘lubiyat, 3 ta durang)
- Shahram G‘iyosov (5 ta jang, 5 ta g‘alaba, 4 tasi nokaut bilan)
- Migel Zamudio (53 ta jang, 41 ta g‘alaba, 25 tasi nokaut bilan, 11 ta mag‘lubiyat)
- Isroil Madrimov — debyut jangi
- Vladimir Ernandes (12 ta jang, 10 ta g‘alaba, 2 ta mag‘lubiyat, 6 ta g‘alaba nokaut bilan)
Izoh (0)