24 ноябрь, шанба куни (Тошкентда 25 ноябрь) АҚШнинг Атлантик Сити шаҳрида катта бокс оқшоми ўтказилади. Унда бир йўла уч нафар ўзбекистонлик боксчи иштирок этади.
Жумладан, проф боксда мағлубиятсиз одимлаётган Рио—2016 Олимпиадаси совриндори Муроджон Аҳмадалиев ўзининг бешинчи жангида Исак Зaрaтега қарши рингга чиқади. Мазкур жанг 10 раунддан иборат бўлиб, унда Муроджон WBA Intercontinental камарини ҳимоя қилади.
Рио—2016’нинг кумуш медали соҳиби Шаҳрам Ғиёсов ўзининг проф боксдаги олтинчи жангида мексикалик Мигел Замудиога қарши жанг қилади.
Жакартадаги Осиё ўйинлари ғолиби Исроил Мадримов эса ўзининг проф рингдаги дебют жангида мексикалик Владимир Эрнандесга қарши WBA Intercontinental камари учун жанг қилади. Улар ўртасидаги жанг ҳам 10 раундга мўлжалланган.
Мазкур жанглар Ўзбекистон телеканалари трансляция қилинмайди.
- Муроджон Аҳмадалиев (проф боксда 4 та жанг, 4 та ғалаба, 3 таси нокаут билан)
- Исак Зaрaте (22 та жанг ўтказган, 16 та ғалаба, 3 та мағлубият, 3 та дуранг)
- Шаҳрам Ғиёсов (5 та жанг, 5 та ғалаба, 4 таси нокаут билан)
- Мигел Замудио (53 та жанг, 41 та ғалаба, 25 таси нокаут билан, 11 та мағлубият)
- Исроил Мадримов — дебют жанги
- Владимир Эрнандес (12 та жанг, 10 та ғалаба, 2 та мағлубият, 6 та ғалаба нокаут билан)
Изоҳ (0)