21-noyabr kuni o‘tkazilgan UzAgroExpo va UzProdExpo xalqaro ko‘rgazmalarida qishloq xo‘jaligi va oziq-ovqat sanoatiga oid turli innovatsion yechimlar qatorida qoramolni elektron nazorat qilish tizimi namoyish qilindi, deb yozadi Turon24.
“Bu yilgi ko‘rgazmaga sog‘ish uskunasini olib keldik, — deb tushuntiradi ishlanmani taqdim etayotgan muhandis Ilhom Boloqulov. — U elektron tarzda ishlaydi. Bu bir qator qulayliklar taqdim etadi. Masalan, sigirning kasalligini oldindan aniqlaydi, kun mobaynida qancha sut berishi, oylik, yillik me’yorlarini aniqlab, kompyuterga tushiradi. Bundan tashqari, avtomatik tarzda sigirni sog‘ib, inson mehnatiga ehtiyojni kamaytiradi”.
Uch kun davom etadigan ushbu ko‘rgazmalarda 20 ta mamlakatdan tadbirkorlar tashrif buyurdi. Jami 170 dan ortiq kompaniya vakillari ko‘rgazmada ishtirok etmoqda.
Izoh (0)