Kataloniyaning “Barselona” klubi Fransiyaning “Lion” jamoasidan Tangi Ndombeleni sotib olishga harakat qilib ko‘radi. Bu haqda Diario Sport nashri xabar berdi.
Qayd etilishicha, Ndombelening transferi 60 million yevroga baholanmoqda. “Barsa” sport direktori Erik Abidal “Lion” vakillari bilan bog‘lanishga ulgurgan.
Ndombele hozirda “Barselona” uchun zaxira variant sifatida ko‘rilmoqda. Boisi, kataloniyaliklar hozirda PSJdan Adriyen Rabyo hamda “Ayaks”dan Frenk de Yongni sotib olish borasida ish olib bormoqda. Ammo Rabyo hamon kelajagi borasida bir qarorga kelmagan bo‘lsa, “Barselona”dagilarning nazdida de Yongning narxi haddan ortiq oshirib yuborilgan.
Shunday ekan, Ndombele transferining amalga oshishi ehtimoli yuqori.
Izoh (0)