11-dekabr kuni O‘zbekistonning Beniluks davlatlaridagi еlchixonasida Niderlandiya Qishloq xo‘jaligi, tabiatni asrash va oziq-ovqat sifati vazirligi bilan birgalikda Almer shahrida mamlakatning agrar oziq-ovqat sektori imkoniyatlariga bag‘ishlangan seminar tashkil etiladi. Bu haqda TIV matbuot xizmati xabar bermoqda.
Seminarning maqsadi — agrar oziq-ovqat sektorida ishlayotgan ishtirokchilarga O‘zbekistondagi voqealar va imkoniyatlar to‘g‘risida ma’lumot berish. Bundan tashqari, Qishloq xo‘jaligi, tabiatni asrash va oziq-ovqat sifati vazirligi rejalari, Gollandiya qishloq xojaligi savdo missiyasini 2019-yil martda Toshkent shahriga jo‘natish va O‘zbekiston poytaxtidagi eng muhim qishloq xo‘jaligi ko‘rgazmasida Gollandiya pavilionini 2019-yil iyunda tashkil etish to‘g‘risida seminar ishtirokchilari xabardor qilinadi.
O‘zbekiston Elchixonasining ishonishicha, mazkur seminarda ishtirok etish nafaqat qishloq xo‘jaligi, tashqi savdo vazirliklari, mamlakat mintaqalari rahbarlari, qolaversa agrobiznes vakillariga ham foydali bo‘ladi.
Seminar jahonda go‘sht-sut mahsulotlarini yetishtirishda lokomotiv hisoblanadigan Niderlandiyaning yetakchi ishlab chiqaruvchilari bilan aloqa o‘rnatish, shuningdek, oziq-ovqat mahsulotini chiqarish uchun mo‘ljallangan hom ashyoni qayta ishlashda qo‘llanayotgan innovatsion texnologiyalar bilan tanishish imkonini beradi.
Ro‘yxatdan o‘tish bepul.
Izoh (0)