Bugun,

  • USD 11095.31
  • RUB 173.84
  • EUR 10772.44

Tojikiston Ichki ishlar vaziri Ramazon Rahimzoda Dang‘ara shahrida chet ellik sayyohlarga qurollangan hujum uyushtirilgani to‘g‘risidagi faktni tasdiqladi. Bu haqda Sputnik xabar berdi.

Foto: Google Photos

Foto: Google Photos

29-iyul kuni Dang‘ara tumani Sebiston jamoati hududida to‘rt nafar chet ellik sayyoh halok bo‘ldi. Ularning ikki nafari AQSh, biri Niderlandiya va yana biri Shveysariya fuqarosidir.

Yana uch nafar sayyoh jarohatlangani ma’lum qilinmoqda.

Vazirning so‘zlariga ko‘ra, turistlar ustiga mashina bilan bostirib borish holatidan tashqari, takroriy hujum holati ham qayd etilgan. Mashina yosh yigitlarni urib ketgach, jinoyatchilar avtomobil ichidan sakrab chiqib, sayyohlarga pichoq bilan hamla qilgan.

“Bu sharmandali jinoyat. Uch nafar gumondor hozirda qochib yuribdi. Hozirda bu bilan maxsus tuzilgan guruh shug‘ullanmoqda. Barcha tafsilotlarni aniqlashtirmoqdamiz. Dang‘arada yuz bergan hodisaning to‘liq holati hozircha aniq emas”, — deb aytgan Rahimzoda.

Vazirning ta’kidiga ko‘ra, tezkor-surishtiruv tadbirlari natijasida hujum uyushtirganlarning bir nafari o‘ldirilgan, biri qo‘lga olingan va yana uch nafari qidirilmoqda. O‘ldirilgan shaxsning yonidan o‘qotar qurol topilgan, bu esa qolgan jinoyatchilar ham qurollangan bo‘lgan bo‘lishi mumkin degan fikrni tug‘diradi.

Tojikiston prezidenti Emomali Rahmon velosayyohlarning halok bo‘lishi munosabati bilan uch mamlakat rahbariga o‘z hamdardligini bildirdi.

Ayni vaqtda jinoiy guruhning qolgan a’zolarini ushlash bo‘yicha tadbirlar amalga oshirilmoqda. Dastlabki versiyaga ko‘ra, bir guruh chet ellik sayyoh ustiga Nurek shahridan bo‘lgan 21 yashar Ja’fariddin Yusufov boshqaruvidagi Daewoo Leganza rusumidagi avtomashina bostirib borgan.

Hodisa yuz berganidan so‘ng mashina voqea joyidan yashiringan, ammo tez orada Dang‘araning Torbuloq qishlog‘i hududidan topilgan.

Tojikiston IIV chet ellik sayyohlarga uyushtirilgan hujum YTH, bosqinchilik hujumi, talonchilik, qotillik va hatto terakt oqibatida yuz bergan bo‘lishi mumkin, degan taxminlarni ilgari surmoqda.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
Markaziy bank raisining kripto-aktivlar bo‘yicha ma’lumoti rad etildi