Bugun,

  • USD 11095.31
  • RUB 173.84
  • EUR 10772.44

Bugun dunyoning 30 dan ortiq davlatida Bolalar ombudsmani faoliyat yuritadi. Ularning asosiy vazifasi Bola huquqlari to‘g‘risidagi konvensiya qoidalarini qonunchilikka tatbiq etish, bolaning shaxsi, sha’ni, qadr-qimmati, huquq, erkinlik va qonuniy manfaatlari himoyasiga butun jamiyat va davlatni faol jalb etishdan iborat. O‘zbekistonda ham mazkur institutni joriy etish masalasi ko‘rib chiqilmoqda, deya xabar beradi “Xalq so‘zi”.

Foto: “Zamin.uz”

Foto: “Zamin.uz”

Oliy Majlis Qonunchilik palatasi Demokratik institutlar, nodavlat tashkilotlar va fuqarolarning o‘zini o‘zi boshqarish organlari qo‘mitasi Inson huquqlari bo‘yicha Milliy markaz bilan hamkorlikda tashkil etgan davra suhbatida bu haqda batafsil so‘z yuritildi. Unda YuNISEFning Yevropa va Markaziy Osiyo bo‘yicha mintaqaviy direktori Afshan Xon ishtirok etdi.

O‘zbekiston aholisining 30 foizi yoki 10 milliondan ortig‘ini aynan yoshlar va bolalar tashkil etadi. Shu bois xalqaro ekspertlar bu haqda to‘xtalganda, “O‘zbekiston yosh, mustaqil va dinamik tarzda rivojlanayotgan davlat” ekaniga alohida urg‘u beradi. Bu esa, o‘z navbatida, bolalar va yoshlarning jismoniy, intellektual hamda ma’naviy-axloqiy rivojlanishini yuqori darajada ta’minlashga qaratilgan tadbirlarni amalga oshirishni davlat siyosatining ustuvor yo‘nalishiga aylantirmoqda.

“O‘zbekiston Respublikasi Prezidenti huzuridagi Bolalar va yoshlar huquqlari bo‘yicha vakil to‘g‘risida”gi qonun loyihasi hamda yangi tahrirdagi “Ta’lim to‘g‘risida”gi qonun loyihasi taqdimoti soha mutaxassislari va xalqaro ekspertlarni o‘zaro muhokamaga chorladi.

— Bugun O‘zbekistonda bolalikni himoya qilish milliy tajribasi Konstitutsiya, kodekslar, “Bola huquqlarining kafolatlari to‘g‘risida”gi, “Yoshlarga oid davlat siyosati to‘g‘risida”gi kabi 100 dan ortiq qonun va boshqa normativ-huquqiy hujjatlarda aksini topgan, — dedi o‘z chiqishida qo‘mita raisi Akmal Saidov. — O‘zbekiston Prezidenti huzurida ish boshlaydigan Bolalar va yoshlar huquqlari bo‘yicha vakil sohada davlat organlari va mansabdor shaxslar faoliyati ustidan jamoatchilik nazorati hamda jamoatchilik boshqaruvini rivojlantiradi. Bolalar va yoshlarning murojaatlari bilan ishlashning yangi shakl va tartiblarini ishlab chiqadi. Jamiyatning eng yosh fuqarolari bilan muloqot qilish, ularning muammolarini hal etishda amaliy yordam ko‘rsatish ham uning mas’uliyatidagi vazifalardan. Yangi qonun yosh avlod huquqlarini himoya qilishning mukammal milliy tizimini yaratadi.

Davra suhbatida muhokama qilingan qonun loyihalari va ularning xalqaro ekspertizasida YuNISEFning ishtirokini yanada takomillashtirish bo‘yicha tavsiyalar qabul qilindi.

Izoh
Asosiy yangiliklar
Mahalliy
O‘zbekistonda benzin narxlarini sun’iy oshirgan AYOQSHlarga tegishli chora ko‘rilishi ma’lum qilindi
Dunyo
Armanistonda 25 ming inson umriga zomin bo‘lgan zilzila, Yaponiyaning Perl-Harborga hujumi va Janubiy Koreya qamoqxonasida 40 yil o‘tirgan KXDR fuqarosi. Kun xrono...
Sport
JCH—2022 da barcha chorak final juftliklari ma’lum bo‘ldi